بلوچ لبریشن آرمی ءِ جارکش جیئند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں مستونگ ءُ کلات ءَ دو جتائیں اُرشاں پاکستانی لشکر ءُ ریاستی چریکے نشانگ کرتگ۔
جارکش ءَ گوشتگ کہ بی ایل اے ءِ سرمچاراں دوشی مستونگ ءَ کیڈت وانشجاہ ءِ نزیک ءَ زورگریں پاکستانی لشکر ءِ کارمند ھما وھد ءَ گوں دستی بمب ءَ نشانگ کرتگ اَنت کہ آیاں ھمے جاہ ءَ دگ بستگ۔ تراک ءِ آسر ءِ کم چہ کم دو کارمند ٹپی بیتگ۔
آئی ءَ گوشتگ کہ دگہ یک کاروائی ءَ مئے سرمچاراں سے شمبے ءَ کلات ءِ ھند سورو ءِ نزیک ءَ زورگریں پاکستانی لشکر ءِ چاریگے آوار جنگ ءَ پد کشتگ۔ کشگ بیتگیں چریک لس پوشاک ءِ تہ ءَ زورگریں لشکر ءِ چاریگے ءَ کنگ ءَ بیتگ۔
