بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که مرچی 7 مئ 2025 ءَ نیمروچ ءِ ادار دو ءُ نیم ءِ نزیک ءَ بی ایل ایپ ءِ سرمچار ھاران ءِ شھر ءَ بابا ھاران ءِ نزیک ءَ ڈی آئی جی پولیس کمپلیکس ءِ جوڑ کنوکیں مشینانی تباه کنگ ءِ نیت ءَ شتگ اَنت ، وھدے که اود ءَ سر بیتگ اَنت کمپلیکس ءِ پھازداریں پولیس کارمنداں سرمچار دیستگ اَنت ءُ آیانی سر ءَ اُرش کرتگ ، بلوچ سرمچاراں پولیس کارمنداں ده دمان وھد داتگ که آ وتی گھگیری ءَ بند به کن اَنت بلے پولیس کارمند سرمچارانی نرمی ءَ آیانی نزوری سرپد بیتگ اَنت ءُ تیرگواری اِش برجاه داشتگ، چه ایشی ءَ سرمچاراں په ایمنی ءَ پھازداریں پولیس کارمندانی سر ءَ پسّھی اُرش کرتگ۔
آئی ءَ گوشتگ که سرمچارانی پسھی اُرش ءَ یک پولیس کارمندے ابدُلکیوم جاه منند نوشکے ٹپی بیتگ ، چه ایشی ءَ پد آدگه پولیس کارمنداں وتی سلاه چگل داتگ اَنت ، سرمچاراں پولیس کارمند دزگیر کرتگ اَنت ءُ آیانی سلاه پل اتگ اَنت ءُ کڈن کنگ ءَ پد یل کرتگ اَنت۔
میجر گھرام بلوچ ءَ ھاران ءَ نوک جوڑ بوکیں ڈی آئی جی پولیس کمپلیکس پھازداریں پولیس کارمندانی سلاھانی پلگ ءِ زمه واری من اتگ ءُ گوشتگ که یکبرے پد ءَ چه رسانکدر ءِ پارست ءَ پولیس ءِ ته ءَ ساڑی ئیں بلوچیں کارمنداں کڈن کن اِیں که آجوئی ءِ جنگ ءَ زورگریں ریاست ءُ آئی ءِ رستریں لشکر ءِ کمکار جوڑ مه بنت ءُ چه سرمچارانی بگیری ءَ پھریز به کن اَنت اگاں نه گوں آیاں ھما وڑ کنگ بیت که گوں زورگریں لشکر ءَ کنگ بوگ ءَ اِنت۔
