بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ 27 اپریل 2025 ءَ بی ایل ایپ ءِ سرمچاراں ریاستی چریک ءُ راجی میاربار زاھد ء واھد بکش جھمنند ناگی، کلانچ دزگیر کرتگ ءُ آئی بابت ءَ درسیں جیڑہ ءُ بھتامانی جست ءُ پرس سرجم کرتگ۔ زاھد ءِ بابت ءَ درسیں بھتامانی راست بوگ ءَ پد 30 اپریل 2025 ءَ آ مرگ ءِ سزا داتگ ءُ گڈی آسر ءَ سر کرتگ۔
آئی گوشتگ چوش کہ زاھد گل ءِ باسکے بوتگ ءُ 2015 ءَ آئی زورگریں پاکستانی لشکر ءِ دیم ءَ سلاہ چگل داتگ اَنت۔ ایشی ءَ پد آ بازیں لشکری کاروائیاں زورگریں پاکستانی لشکر ءِ ھمراہ بوتگ ءُ داں سرمچارانی بنَدْراں پاکستانی لشکر ءِ سر کنگ ءَ ھوار بوتگ۔
جارکش ءَ گوشتگ کہ بی ایل ایپ گوں باسمائیں بلوچ پت ءُ ماتاں لوٹ کنت کہ اگاں آ سرپد بنت کہ آیانی کھول ءِ چونیں ھم مردمے چاریگی یا کہ آدگہ بلوچ بگیریں سُر ءُ پُراں ھوار اِنت گڑا درساں پیش وت آئی ءَ چہ اے کاراں بہ دار اَنت۔ اگاں انگت ءَ دارگ نہ بوت گڑا زوت مارا ھال بہ دے اَنت دانکہ آ چہ راجی تاوان ءَ رکّینگ بہ بنت۔
آئی گوشتگ کہ ما گوں شری ءَ زانیں کہ پہ کجام ھم کھولے ءَ آئی یک مردمے باز ارزیشت دار ایت۔ بلے راجی نپ ءُ آجوئی چہ درسیں سیادیاں دیم ءَ تر اِنت۔ دژمنیں لشکر چہ بلوچ آبادیاں مُز ءِ نام ءَ کودکیں مردماں زورگ ءُ آیاں بلوچ بگیریں کارانی بھر جوڑ کنگ ءَ اِنت۔ گل اوست دار ایت کہ مئے راج چہ زورگریں پاکستانی لشکر ءِ بلوچ دژمن ءِ پندلاں سرپد بیت۔
جارکش ءَ درشان ءِ گڈی ءَ گوشتگ کہ راجی میاربار ءُ ریاستی چریک زاھد ء واھد بکش ءِ کوش ءِ زمہ واری ءَ من ایں۔
