بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدرءَ وتی شنگ کرتگیں درشانے ءَ گوشتگ کہ سرمچار زاکر ھسین پنام سمی بلوچ ء ابدُلھالک سوراب دمب ءِ جاہ منند 13 اپریل 2025 ءَ سوراب ءَ پاکستانی لشکر ءِ جوڑ کرتگیں کشند ٹولی ءِ کارمنداں تیرگواری کرتگ ءُ شھید کرتگ۔
آئی ءَ گوشتگ کہ چو آجوئی لوٹوکیں سرمچارانی وڑ ءَ زاکر ھسین ءِ سپر 2018 ءَ بندات بیتگ وھدیکہ آ پہ وتی مردمانی آجوئی ءُ شرپ ءَ میڑگ ءَ بی ایل ایپ ءَ ھوار بیتگ۔ آ یک تچک ءُ نہ ترسیں سرمچارے اَت۔ آئی ارادہ مھکم اَت کہ بلوچ یک آجوئیں سرڈگارے ءَ زندگوازینگ ءِ ھکدار اَنت چہ ریاستی زوراکیاں نہ آئی ارادہ نزور بیتگ ءُ نہ اے جھد ءِ راہ ءَ آئی پاد لرزتگ اَنت۔
جارکش ءَ گوشتگ کہ چہ ریاست ءِ نیمگ ءَ بے کساس جنجال ءُ ترسانی دیمپانی کنگ ءَ ابید زاکر ھسین پہ راج ءَ وتی جھد ءَ ایماندار بیتگ۔
آئیءَ گوشتگ کہ 2020 ءَ زاکر ھسین بلوچ ءَ زوگریں ریاستی چیریں اداراھاں زور بیگواہ کرتگ اَت، پہ بلوچ کارکن ءُ جھدکارانی بے توار کنگ ءَ اے زوراکی تچک اِنت کہ اے ھیلہ چہ زورگریں ریاست ءِ نیمگ ءَ کارمرز بوگ ءَ اِنت۔ داں ھشت ماہ ءَ ریاستی زندان ءَباز زوراکی ءُ آزار اوپار کرتگ۔ بلے زندان ءَ زاکر ھسین بلوچ ءِ جوزگ ءُ ادارہ مھکم بیتگ۔ چہ آجوئی ءِ اے رادہ ءِ پروشگ ءَ ریاست ءِ کوشست بے سوبی بیتگ۔ چہ یل بوگ ءَ پد آ گوں نوکیں جوش ءُ جوزگے ءَ واتر وتی جھد ءَ ھوار بیتگ ءُ بی ایل ایپ ءِ شھری نیٹوک ءَ کار ءَ بیتگ دژمن ءِ بگیری ءَ جتائیں جنگاں بھر ئے زرتگ۔
جارکش ءَ گوشتگ کہ آئی نہ ترسی ءُ دیمونی پہ بلوچ آجوئی جھد ءُ آھوکیں پدریچ ءَ مادنیں راہ اَنت۔
میجر گھرام بلوچ ءَ گڈی ءَ گوشتگ کہ سرمچار زاکر ھسین پنام سمی بلوچ ءِ دیمونی زوال نہ بنت ءُ بلوچ آجوئی جھد ءَ آئی کرد مدام مئے رھشونی ءَ کنت۔
