بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که 21 اَپریل 2025 ءَ بی ایل ایپ ءِ سرمچاراں آواران ءِ ھند پیراندر ، زومدان ءَ په زورگریں ریاست ءُ آئی ءِ جوڑ کرتگیں کشنده ٹولی ءَ چاریگی کنوکیں شاھد ء زریپ دزگیر کرتگ ءُ گل ءِ آمیدگس ءَ پیش کرتگ. گل ءِ پٹ ءُ پول کنوکیں ٹولی ءَ گوں سکا اور چاری ءُ پھریز ءَ جست ءُ پرس سرجم کرتگ، چه ایشی ءَ پد تیرگواری کرتگ ءُ کشتگ.
آئی ءَ گوشتگ که شاھد چہ جست ءُ پرس ءَ زانگ بیتگ که آ 11 اکتوبر 2024 ءَ گل ءِ سنگت کیپٹن تالب بلوچ پنام ءِ مودی ءُ سرمچار آدل بلوچ ءِ شھیدی ءَ تچک ءَ ھوار بیتگ.
جارکش ءَ گوشتگ که اِے ھم زانگ لوٹ ایت که شھید سرمچار آدل بلوچ ریاستی چاریگ شاھد ءِ ناکو بیتگ ، شاھد ءَ ریاستی چریکانی پندل ءُ ریپینگ ءِ بنیاد ءَ وتی ناکو آدل ءِ چاریگی کرتگ ءُ آئی ءِ شھید کناھینگ ءِ میاربارے کرتگ.
آئی ءَ گوشتگ که چه ایشی ءَ گل ءَ میارباریں شاھد ء زریپ ءِ ناشریں میارانی ءُ آئی ءِ بگیری ءَ منانکانی بنیاد ءَ آئی ءِ مرگ ءِ سزا ءِ پیسله کرتگ ، سرمچاراں گل ءِ پیسله ءِ سر ءَ کار کرتگ ءُ مرچی 4 مئی ءَ شاھد وتی گڈی آسر ءَ سر کرتگ.
جارکش ءَ گوشتگ که بی ایل ایل تچک ءَ گوش ایت که لُبّ ءُ ملام ءِ دیم ءَ بلوچ سرمچارانی بگیری ءَ کار کنگ ءُ آیانی چاریگی کنگ ءُ دژمن ءَ ھال دیگ ماتیں سرڈگار بلوچستان ءِ دلّاری ءُ بلوچ راج ءُ راجی آجوئی زرمبشت ءِ گون ءَ مزنیں راجدروھی یے.
آئی ءَ گوشتگ که شاھد آواران ، کولواه ءُ جاؤ ءَ په کشنده ٹولی ءِ سروک ءُ ریاست ءِ وتگڑیں پله مرز اورنگزیب بزنجو ءِ جوڑکرتگیں ٹولی ءَ چاریگی ءِ کار کرتگ.
میجر گھرام بلوچ ءَ ریاستی چاریگ شاھد ءِ کوش ءِ زمه واری من اِتگ ءُ گوشتگ که چه رسانکدر ءِ پارست ءَ گوشگ لوٹ اِیں چه ریاستی چاریگ ءَ دزکپتگیں ھالانی بنیاد ءَ آئی ءِ ٹولی ءِ آدگه مردمانی بگیری ءَ کاروائی کن اِیں، آواران ءِ مردماں گوش اِیں که آ اورنگزیب بزنجو ءَ ھوار چه درسیں ریاستی چاریگاں وت ءَ دور به دار اَنت.
