گوادر: چہ جمیڑی ءِ میتگ پانوان ءَ پاکستانی پوج ءَ گنوکے آوار جتگ ءُ بیگواہ کرتگ۔
بیگواھیں مردم ءِ نام سمیر بلوچ ء ابدلکریم اِنت کہ پانوان ءِ جاہ منند اِنت زی پاکستانی پوج ءَ آورار جتگ ءُ بیگواہ کرتگ۔
کھول ءَ آئی بیگواھی ءِ گپ راست کرتگ ءُ گوشتگ کہ بیگواھیں سمیر سر ءَ شر نہ اِنت ءُ آ گنوکے زی پوج ءَ آوار جتگ ءُ گوں وت برتگ۔
کھول ءَ گوں انسانی ھکانی ادارھاں لوٹ کرتگءُ گوشتگ کہ پہ سمیر بلوچ ءِ آجوئی ءَ توار چست کنگ ءَ وتی کرد ءَ پیلو بہ کن اِت۔
چوش کہ زی چہ جمیڑی ءِ میتگ پانوان ءَ پاکستانی پوج ءَ ھاجی ایوب نامیں مردمے ءِ دو زھگ آوار جتگ ءُ بیگواہ کرتگ اَت۔
