بلوچ یکجھتی کمیٹی ءَ کیچ ءِ ھند زامران ءَ دو مئی 2026 ءَ پاکستانی پوج ءِ دست ءَ کھدہ پیرمھمد بلوچ ءُ آئی زھگ ابداللہ بلوچ ءِ آوار جنی ءَ پد درکانودی کوش ءِ سر ءَ بژن درشان کرتگ۔
آئی ءَ گوشتگ کہ 2 مئی 2026 ءِ سھب ءِ ادار چار ءُ نیم ءَ پاکستانی پوج ءَ چہ دمبانی، سیاھگی ءَ پنجاہ ءُ پنچ سالی ئیں کھدہ پیرمھد ءُ آئی بیست ءُ پنچ سالی بچک ابداللہ بلوچ آوار جتگ ءُ برتگ اَنت۔ پد آیانی لاش بنجل ءِ نزیک ءَ چگل دیگ بوتگ اَنت۔
آئیءَ گوشتگ کہ اے ویل بلوچستان ءَ برجاھیں زوریں بیگواھی ءُ درکانودی کوشانی یک مسالے اِنت کہ پہ انسانی ھکانی لگتمالیاں بازیں جست ودی کنت۔
بلوچ یکجھتی کمیٹی ءَ اے زوراکی ایر جتگءُ گوں میان استمانی انسانی ھکانی ادارھاں لوٹ کرتگ کہ آ بلوچستان ءَ برجاھیں انسانی ھکانی لگتمالیانی سر ءَ زوت دلگوش گور بہ کن اَنت ءُ ایشی زمہ واراں جست بگر اَنت۔
بنشون: درشان اکس: بی وائی سی
