شال ءَ چہ بولان میڈیکل کالج ءِ ھاسٹل ءَ زور بیگواھیں نرسنگ ءِ نودربر ھدیجہ پیرجانءِ کھول ءِ زھرشانی نندانک ءَ مرچی چاردہ روچ سرجم بوتگ کہ بی ایم سی ءِ دیم ءَ برجاہ اِنت۔
ھدیجہ بلوچ ءِ کھول ءِ گوشگ اِنت کہ مئے زھرشانی نندانک ءَ چاردہ روچ سرجم بوتگ چہ ریاست ءِ نیمگ ءَ مئے لوٹانی منگ ءَ ابید مارا بیھار دیگ بوگ ءَ اِنت دانکہ ما وتی زھرشانی ءَ ھلاس بہ کن این ءُ بے توار بہ بہ ایں۔
کھول ءِ گوشگ اِنت اگاں ریاست مئے زھرشانی ءَ ھلاس کنگ لوٹ ایت گڑا ھدیجہ بلوچ ءَ پہ سلامتی آجو بہ کنت۔ دانکہ ھدیجہ بلوچ آجو نہ بیت مئے زھرشانی برجاہ بیت۔
بنشون: اھوالکار اکس: اھوالکار
