پنجگور، کیچ ءُ ڈیرہ گازی ھان ءَ پاکستانی پوج ءُ سی ٹی ڈی ءَ پنچ مردم آوار جتگ ءُ بیگواہ کرتگ۔
زرمبش جھگیر ءِ رد ءَ پنجگور ءِ ھند پروم ءَ پاکستانی پوج ءَ دو ٹیچر بنجل ءَ لوٹائینتگ ءُ بیگواہ کرتگ۔زور بیگواھیں مردمانی نام مولانا ابدالھمید مستاگ ء ملا ابدرھیم ءُ ناسر بلوچ ء ھیبتان اِنت۔ زی 5 مئی 2026 ءَ پاکستانی پوج ءَ پروم ءِ میتگ جاھین ءَ وتی بنجل ءَ لوٹائینتگ اَنت ءُ بیگواہ کرتگ اَنت۔
دومی نیمگ ءَ کیچ ءِ ھند تمپ ءَ پاکستانی پوج ءَ بیڑ برتگ ءُ کمبر بلوچ ءِ ماسٹر ابدلکادر آوار جتگ ءُ بیگواہ کرتگ۔
اھوالکار ءِ رد ءَ زور بیگواھیں کمبر بلوچ تمپ ءِ میتگ دازن ءِ جاہ منند اِنت کہ دوشی یک ءَ پاکستانی پوج ءَ چہ گس ءَ آوار جتگ ءُ بیگواہ کرتگ۔ پوج ءَ بیڑ برگ ءِ میان ءَ گوں کھول ءِ مردماں زوراکی ھم کرتگ۔
ھمے وڑ ءَ چہ ڈیرہ گاڑی ھان ءَ سی ٹی ڈی ءَ 3 مئی 2026 ءَ ھاجی جما ھان ءِ مھمد اکبر ءُ مھمد ھلیل ء ھاجی جما ھان آوار جتگ ءُ بیگواہ کرتگ اَنت۔ اے ھما وھد ءَ آوار جنگ بوتگ اَنت کہ چہ ڈیرہ گازی ھان ءَ دیم پہ بارکان ءَ وتی گس ءَ آھگ ءَ بوتگ اَنت۔
بنشون: اھوالکار اکس: اھوالکار
