چہ شال ءُ ھب چوکی ءَ پاکستانی پوج ءَ سَے مردم آوار جتگ ءُ بیگواہ کرتگ۔
اھوالکار ءِ رد ءَ چہ شال ءِ ھند ھزار گنجی، مری کیمپ ءَ سی ٹی ڈی ءَ دو مئی ءِ بیگاہ ءِ ادار چار ءَ جان ھان ء شیر ھان ءُ ابدلستار ء جان ھان چہ آیانی گس ءَ آوار جتگ ءُ بیگواہ کرتگ اَنت۔
ھمے وڑ ءَ چہ ھب چوکی ءَ پاکستانی پوج ءَ التاپ ھسین بلوچ ء الاھی بکش آوار جتگ ءُ بیگواہ کرتگ۔
اھوالکار ءِ رد ءَ زوربیگواہ کرتگیں التاپ ھسیں آواران ءِ ھند گیشکور ءِ جھمنند اِنت ءُ چہ ھب چوکی ءَ شپ ءِ ادار دو ءَ سی ٹی ڈی، آئی ایس آئی ءُ کشندہ ٹولی ءِ کارمنداں آوار جتگ ءُ بیگواہ کرتگ۔
اے سے ئیں مردمانی زوریں بیگواھی ءِ گہ بلوچ یکھتی کمیٹی ءَ راست کرتگءُ آیانی اکس شنگ کرتگ اَنت۔
بنشون: بی وائی سی اکس: بی وائی سی
