بلوچ یکجھتی کمیٹی ءَ وتی درشانے ءَ گوشتگ کہ سی ءُ نُھ سالی ئیں سئید مھمد دکاندارے ءُ جیوانی، پانوان ءِ جاہ منند اِنت۔ 9 دسمبر 2025 ءَ شپ ءِ سے ءَ چہ گس ءَ آوار جنگ بوتگ۔ چہ ھما شپ ءَ پد آئی کھول ءَ ھچ وڑیں سرپدی دیگ نہ بوتگ۔ نہ آمیدگس ءَ پیش کنگ بوتگ ءُ نہ آئی ءَ وتی بے میاری ءِ پیش کنگ ءِ ھک دیگ بوتگ، چہ ایشی ءَ آئی ءِ کھول یکشل ءَ جنجال بوتگ۔ 145 روچ ءِ گوزگ ءَ پد 3 مئی 2026 ءَ آئی لاش چہ نلینٹ، دارو ڈگار ءَ دزکپتگ۔
آئی ءَ گوشتگ کہ 145 روچ ءَ آئی کھول ءَ گوں جنجال ءُ ھمے اوست ءَ زند گوازینتگ کہ آ پہ سلامتی واتر بیت، بلے آیانی اوست پرشتگ ءُ آئی ءِ لاش دزکپتگ۔
بی وائی سی ءَ آئی کوش ایر جتگ ءُ زمہ وارانی جست گرگ ءِ لوٹ کرتگ ءُ گوشتگ کہ اگاں سئید مھمد ءِ بندیگی ءِ وھد ءَ آئی سر ءَ چونیں ھم بھتامے بوتگ، گڑا آ آمیدگس ءَ پیش کنگ بوتیں۔ چہ کانودی لوٹانی پیلو کنگ ءُ انساپ ءَ ابید آئی لاش ءِ چگل دیگ انسانی ھکانی بگیری اِنت۔
آئی ءَ گوں اکوام متھدہ ءُ میان استمانی انسانی ھکانی ادارھاں لوٹ کرتگ کہ آ زوت دَزمانجَنی بہ کن اَنت ءُ بلوچستان ءَ برجاھیں انسانی ھکانی لگتمالیانی سر ءَ دلگوش گور بہ کن اَنت۔
بنشون: درشان اکس: بی وائی سی