بلوچ نیشنل موومنٹ ( بی این ایم ) ءِ چیئرمین ڈاکٹر نسیم بلوچ ءَ بی این ایم ءِ جوڑ بوگ ءِ روچ ءِ درگت ءَ گوشتگ کہ 24 دسمبر ءَ بلوچ نیشنل موومنٹ ( بی این ایم ) ءَ سی ءُ ھشت سرجم بوتگ۔ اے زرمبشت 1987 ءَ چہ یک ایردستیں راجے ءِ توکل ءَ ودی بیوکیں جھدے، پہ وتی آجوئی، پجار، سرڈگار ءُ شرپ ءَ جنزگ ءَ اِنت۔
آئی ءَ گوشتگ کہ اے سی ءُ ھشت سالانی میان ءَ بی این ایم ءَ زوریں بیگواھی، درکانودی کوش، سیاسی زوراکی ءُ پہ توارانی دارگ ءِ جھد ءِ بگیری ءَ گوں مھکمی ءَ اوشتاتگ۔ گیشیں دیمونی، کید ءُ بندیگ، درانڈیھی ءُ شھیدیاں ابید اے زرمبشت وتی بنکی راھبندانی سر ءَ پہ راجی آجوئی، انسانی ھک ءُ جمھوری جھد برجاہ داشتگ۔
ڈاکٹر نسیم بلوچ ءَ گوشتگ کہ بی این ایم تھنا یک گلے نہ اِنت بلکیں بلوچ راجی گھگیری ءِ درچ اِنت، آ چہ گوستانکی دیمونیاں مھکم ءُ وتی مھلوک ءِ بے ترس ءَ رھشونی ءَ کنگ ءَ اِنت۔
بی این ایم ءِ چیئرمین ءَ گوشتگ کہ ما اے روچ ءَ وتی شھیداں ستک شانی ندر کن ایں، وتی بیگواھیں مردماں دروت ندر کن این ءُ ھمے کول ءَ کن ایں کہ داں بلوچستان ءِ آجوئی ءَ جھد ءَ برجاہ دار ایں۔
