اسلام آباد ءَ پہ بلوچ یکجھتی کمیٹی ءِ سروک ءُ زور بیگواھیں مردمانی آجوئی ءَ برجاھیں زھرشانی نندانک ءَ شست ءُ نُھ روچ سرجم بیتگ کہ انگت ءَ برجاہ اِنت۔
چہ شست ءُ نُھ روچ ءِ سرجم بوگ ءَ ابید چہ سرکار ءِ نیمگ ءَ پہ آیانی لوٹانی منگ ءَ ھچ وڑیں دلجمیں گامگیج زورگ نہ بیتگ۔
اے بابت ءَ آیانی گوشگ اِنت کہ اسلام آباد اے ڈیھ ءِ بنجاہ ءُ واکداریں شھر گوشگ بیت، بلے بلوچستان ءَ چہ اتکگیں اے پیرزالیں ماس، گھار ءُ زھگاں دو ماہ ءَ گیش وھد گوستگ انگت ءَ پہ مئے لوٹاں ھچ وڑیں گامگیج زورگ بوگ ءَ نہ اِنت۔
آیاں گوشتگ کہ اے دو ماہ ءِ میان ءَ گرم ءُ سارت، ھور ءُ انتزامیہ ءِ زوراکی ما درس دیستگ اَنت بلے پہ وتی مردمانی آجوئی ءِ لوٹ ءَ درس اوپار کرتگ اَنت ءُ نشتگ ایں۔
آیانی گوشگ اِنت دانکہ مئے لوٹ منگ نہ بنت ما وتی زھرشانی ءَ برجاہ دار ایں۔ گوں انسانی ھکانی ادارھاں لوٹ کن ایں کہ آ مئے گون ءَ ھمدردی بہ کن اَنت۔
