پَنجگُور ءِ ھند پروم ءَ پاکستانی پوج ءَ چار زور بیگواھیں مردمانی لاش نادراھجاہ ءَ سر کرتگ۔
اھوالکار ءِ رد ءَ چہ کشگ بوتگیں مردماں دو ورنا ءِ نام مروان بلوچ ء ھمزہ ءُ ھاتم بلوچ ء ھاجی مھمد اِنت۔ مروان بلوچ پروم ءِ جاہ منند اِنت ءُ اے وھد ءَ شاپاتان ءَ نشتگ اَنت ءُ ھاتم بلوچ دزناپ ءِ جاہ منند اِنت پاکستانی پوج ءَ پنچ اپریل ءَ چہ پروم لگورک ءَ آوار جتگ ءُ بیگواہ کرتگ اَنت۔
آدگہ دوئیں مردم انگت پجارگ نہ بوتگ اَنت۔ انچوش گمان کنگ بوگ ءَ اِنت کہ زور بیگواھیں مردم بنت۔
پَنجگُور ءَ چہ ایشی پیش ھمے سال ءَ پاکستانی پوج ءَ بیست ءَ گیش زور بیگواھیں مردم کشتگ ءُ آیانی لاش چگل داتگ اَنت۔
بنشون: اھوالکار اکس: اھوالکار
