اگبال پانک بے بنگپ

لندن: زور بیگواھیں تاج مھمد سرپرہ ءِ کھول ءِ زھرشانی

شونکار 7 مہینے ago

لندن: 19 جولائی 2020 ءَ چہ کراچی ءَ پاکستانی چیریں ادارھانی کارمندانی دست ءَ زور بیگواہ کنگ بوتگیں تاج مھمد سرپرہ ءِ کھول ءِ نیمگ ءَ پہ آئی آجوئی ءَ لندن ءِ بنجاھی شھر 10 ڈاوئنگ سٹریٹ ءَ برتانیہ مزن وزیر ءِ گس ءِ دیم ءَ پنچ روچی زھرشانی نندانک برجاہ اِنت۔

اے زھرشانی نندانک چہ سے جنوری ءَ بندات بوتگ ءُ داں ھپت جنوری ءَ برجاہ بیت۔ تاج مھمد سرپرہ ءِ کھول ءِ زھرشانی نندانک ءَ بی این ایم ءِ کسترین کمک سرکماش ھسن دوست، بی این ایم ءُ ایپ بی ایم ءِ باسکانی ھواری ءَ لندن ءَ نشتگیں بلوچ ءُ مردمی ھکانی کارکناں بھر زرتگ۔

زھرشانی نندانک ءَ تاج مھمد سرپرہ ءُ آدگہ زور بیگواھیں مردمانی اکس جنوک بوتگ اَنت۔ زھرشانی کنوکیں مردماں پاکستانی لشکر ءِ زوراکی ءُ زوریں بیگواھی ءِ بگیری ءَ اوگام جتگ۔

زھرشانی کنوکیں مردماں گوں برتانیہ سرکار ءَ ھوار آدگہ مردمانی ھکانی ادارھانی گون ءَ زور بیگواھیں تاج مھمد سرپرہ ءَ ھوار پہ درسیں زور بیگواھیں مردمانی آجوئی ءُ پاکستانی لشکر ءِ زوراکیانی بگیری ءَ توار چست کنگ ءِ لوٹ کرتگ۔

شونکار

شونکار

Next Post

بلوچستان ءِ جیڑہ بی وائی سی

بی وائی سی ءِ جار ءَ بلوچستان ءُ آدگہ جاھاں زھرشانی

جمعرات جنوری 4 , 2024
اسلام آباد پریس کلب ءِ دیم ءَ بلوچ یکجھتی کمیٹی ءِ نیمگ ءَ زھرشانی نندانک برجاہ اِنت۔ لوٹانی نہ منگ ءِ بگیری ءَ بی وائی سی ءِ جار ءِ پد ءَ تیوگیں بلوچستان ءَ ھوار چہ بلوچستان ءَ ڈن ھم تھتگ بند ھرتال ءُ زھرشانی کنگ بوتگ۔ بلوچ یکجھتی کمیٹی ءِ زھرشانی نندانک ءِ لوٹ ھمیش اِنت کہ زوریں بیگواھی، دروگیں میڑاں زور بیگواھیں مردمانی ناھکیں کوش بند کنگ بہ بیت ءُ درسیں بیگواھیں مردم آجو کنگ یا آمیدگس ءَ پیش کنگ بہ بنت۔ اگاں چہ زور بیگواھیں مردماں کسے شھید کنگ بوتگ گڑا آئی کھول ھال دیگ بہ بیت۔ یات بہ بہ اِت کہ زھرشانی ءَ نشتگیں مردمانی لوٹانی گوش دارگ ءَ ابید زھرشانی ءَ نشگیں مردمانی کھول اسلام آباد پولیس ءِ زوراکیانی آماچ اَنت۔ چارشمبے ءِ روچ ءَ بلوچستان ءِ بنجاھی شھر شال، ھب چوکی، گْوادر، گڈانی، ھزدار، نوشکے، مستونگ، کوھلو، چاگے، دالبندین، وندر، مند، تمپ، سوراب، کلات، پنجگور، بارکان، بیسمگ، ناگ، تربت، ھاران، ماشکیل، آواران ءُ جاؤ ءَ ھوار آدگہ جاھاں تھتگ بند ھرتال کرتگ۔ بلوچستان ءَ ھوار ڈیرہ گازی ھان، تونسہ شریپ، لیاری ءُ ملیر ءَ بلوچ ھنداں باپاری جاہ بند بوتگ اَنت۔ گلگت بلتستان ءَ ھم زھرشانی ءَ نندانک ءِ پلہ مرزی ءَ تھتگ بند ھرتال بوتگ ءُ زھرشانی ءَ مردماں بازیں کچے ءَ بھر زرتگ۔

دلگوش گْوری

بنگپ

اے ھپتگ ءِ گچین ھال

زْرمبش بلوچی

زْرمبش راھے پہ آجوئی

زْرمبش بلوچی ، چہ زْرمبش شکسار ءِ نیمگ ءَ بلوچی زبان ءَ گزارش ءُ ھال شنگ کنت۔ اے ھال ، نبشتانک توار بند ءُ تامرانی دْروشم ءَ شنگ کنگ بہ اَنت۔

کْوھنیں تندجاہ

آسان دزرس

لاگ ان کریں