بلوچ یکجھتی کمیٹی ءَ وتی درشانے ءَ پنجگور ءِ ھند تسپ ءِ جاہ منند ءُ سرکاری وانگجاہ ءَ سپائی کنوک ایاز بلوچ ءِ کوش ایر جتگ ءُ گوشتگ کہ 30 اپریل ءَ شپ ءِ نُھ ءُ نیم ءَ نوک آباد تسپ ءَ گسانی نزیک ءَ کشندہ ٹولی ءَ کشتگ۔
آئی ءَ گوشتگ کہ ایاز بلوچ ء ھدا رھیم یک جپاکشیں شھری ءُ آ پہ وتی کھول ءِ والینگ ءَ سرکاری وانگجاہ ءَ کار ءَ بوتگ۔ آئی اے وڑیں کوش ءَ ھندی مردم بژںیگ ءُ ترس آماچ کرتگ اَنت۔
بی وائی سی ءَ اے ویل گوں ترندیں دانکاں ایر جتگ ءُ گوشتگ کہ بلوچستانءَ نشانگ کنگ، درکانودی کوش، زوریں بیگواھی ءُ درکانودی دزگیری برجاہ اِنت، اے انسانی ھکانی بگیری اِنت۔
آئی ءَ گوں میان استمانی انسانی ھکانی گلاں لوٹ کرتگ کہ آ بلوچستان ءَ برجاھیں اے ویلانی بابت ءَ دلگوش گور بہ کن اَنت کہ اد ءَ مردم بے پھریز اَنت ءُ ناھکیانی آماچ اَنت۔
بنشون: درشان اکس: بی وائی سی
