بلوچ نیشنل موومنٹءِ انسانی ھکانی ادارہ پانک ءَ یک مئی 2026 ءَ زامرانءِ ھند چہ دمبانی، سیاھگسی ءَ کھدہ پیر مھمد ءُ آئی زھگ ابداللہ ءِ آوارجنی ءُ درکانودی کوش ایر جتگ۔
آئی ءَ گوشتگ کہ پاکستانی پوج ءَ گس ءَ بیڑ برتگ ءُ کھدہ پیر مھمد ء ھاجی رشید ءُ آئی بچک ابداللہ آوار جتگ ءُ دوئیں پوج ءِ بنجل ءَ برتگ ءُ اود ءَ دوئیں کشتگ اَنت۔
آئی ءَ گوشتگ کہ اے ویل زوریں بیگواھی ءَ پد درکانودی کوش ءِ گیش بوگ ءَ پیش دار ایت۔ یک پسے ءِ گوں زھگ ءَ نشانگ کنگ ھمے گپ ءَ پیش دار ایت کہ جاور چنچو ناگیگ اَنت، زوت انساپ درکار اِنت۔
پانک ءَ گوں سرکار ءَ لوٹ کرتگ کہ اے ویل ءِ بابت ءَ زوت پٹ ءُ پول کنگ بہ بیت ءُ ایشی زمہ وار جست گرگ بہ بنت۔ گل گوں ھندی ءُ میان استمانی انسانی ھکانی ادارھاں لوٹ کنت کہ آ اے جیڑہ ءِ سر ءَ زوت گامگیج بزور اَنت۔
بنشون: درشان اکس: پانک
