یونائیٹڈ بلوچ آرمی ءِ جارکش مزار بلوچ ءَ وتی درشانے ءَ گوشتگ کہ سرمچاراں یک مئی ءَ شک ءِ بنیاد ءَ دورین مری ء سھبت ھان مری دزگیر کرتگ۔ جست ءُ پرس ءِ وھد ءَ آئی من اِتگ کہ آ سنگت شادی گل مری ءِ شھیدی ءَ گوں بوتگ۔یک اپریل ءَ آئی یک کارے ءِ نیمون ءَ سنگت شادی گل مری گوں وت برتگ ءُ آئی چاھانی تہ ءَ نشھی درمان مان کرتگ کہ آ تستگ۔ رند ءَ آ کشتگ ءُ گوں وتی سنگتانی کمک ءَ آئی لاش چیریں جاھے ءَ کل کرتگ۔
آئی گوشتگ کہ چہ گیش جست ءُ پرس ءَ آئی اے ھم من اِتگ کہ آسک دیر اِنت بلوچ سرمچارانی بگیری ءَ پہ ریاست ءَ کار ءَ بوتگ۔ آئی وتی لھتیں سنگتانی نام ھم گوشتگ ۔ چہ اے میارانی منگ ءَ پد بلوچ راجی آمیدگس ءَ آ مرگ ءِ سزا داتگ کہ سرمچاراں آئی سر ءَ کار کرتگ۔
آئی گوشتگ کہ گل اے وڑیں چریکاں گوں ترندی ءَ کڈن کنت کہ آ زورگریں ریاست ءِ کمکاری ءُ پوجی چوکی ءُ چہ ریاست ءِ درسیں ادارھاں وت ءَ دور بہ دار اَنت۔ اگاں نا گڑا وتی جان ءُ مال ءِ زمہ وار وت بہ اَنت۔
جارکش ءَ گوشتگ کہ ما اے وڑیں درسیں کارمندانی بابت ءَ سرپدیں کہ آ ریاست ءِ کمک ءَ کنگ ءَ اَنت۔ آ دیم ءَ مئے نشانگ ءَ بنت۔ پہ راجی میار باراں ھچ وڑ ءَ نرمی کنگ نہ بیت۔
جارکش ءَ گوشتگ کہ شھید سنگت شادی گل مری دیر اِنت کہ گوں گل ءَ بندوک بوتگ ءُ اے وھد ءَ آ کوھستانِ مری ءُ ھرنائی ءِ کوھاں سرگرم بوتگ کہ اود ءَ آئی جتائیں زمہ واری پیلو کرتگ اَنت۔ گل شھید سنگت شادی گل مری ءِ دیمونیاں ستک شانی ندر کنت۔ آئی وتی سرجمیں زند پہ جھد ءَ ندر کرتگ۔ آئی گوں گل ءَ بندوک بوگ، دیمونی دیگ پہ گل ءَ پھر اَنت۔
بنشون: درشان اکس: زرمبش
