بلوچ لبریشن آرمی ( بی ایل اے ) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ سے جتائیں ارشانی زمہ واری من اِتگ ءُ گوشتگ کہ بی ایل اے ءِ سرمچاراں سے جتائیں کاروائیاں زورگریں لشکر، رھوتی ٹاور ءُ زورگریں لشکر ءِ راشن نشانگ کرتگ اَنت۔
آئی ءَ گوشتگ کہ بی ایل اے ءِ سرمچاراں پانزدہ اپریل ءَ تربت ءَ یک کاروائی یے ءِ میان ءَ زورگریں لشکر نشانگ کرتگ۔
جارکش ءَ گوشتگ کہ تربت ءِ ھند ناسر آباد ءَ بی ایل اے ءِ سرمچاراں زورگریں پاکستانی لشکر ءِ کاروان ءَ ھواریں یک گاڑی یے گوں تراکناکیں شورھاں نشانگ کرتگ۔ تراک ءِ زد ءَ آھگ ءَ دژمنیں لشکر ءِ سے کارمند جاھی مرتگ ءُ چار سکا ٹپی بیتگ ءُ گاڑی سرجم ءَ تباہ بیتگ۔
آئی ءَ گوشتگ کہ ھمے وڑ ءَ دگہ یک کاروائی یے ءَ بی ایل اے ءِ سرمچاراں سبی ءِ ھند ناڑی بنک ءَ درکان شار ءَ زونگ کمپنی ءِ رھوتی ٹاور نشانگ کرتگ۔ سرمچاراں ٹاور ءِ مشین ءُ سامان مانداشتگ اَنت۔
جارکش ءَ گوشتگ کہ سیمی کاروائی ءَ بی ایل اے ءِ سرمچاراں پنجگور ءِ ھند پروم ءَ پہ زورگریں پاکستانی لشکر ءَ راشن بروکیں یک گاڑی یے گپتگ۔
آئی ءَ گوشتگ کہ ما پروم ءَ ھوار کِر ءُ کشانی ھندی مردماں کڈن کن ایں کہ آ پہ زورگریں لشکر ءِ سامان برگ ءَ وت ءَ دور بدار اَنت۔ چہ اے کار ءَ ھواریں مردم وتی جان ءُ مال ءِ تاوان ءِ زمہ وار وت اَنت۔
