بلوچ وومن پورم ءَ وتی شنگ کرتگیں درشانے ءَ بلوچ زالبولانی پد ماں پدیں زوریں بیگواھی، ھاس شال ءَ نرسنگ ءِنودربر ھدیجہ بلوچ ءِ زوریں بیگواھی ایر جتگ ءُ گوشتگ کہ اے وڑیں نشانگ کنگ نہ تھنا آئین ءُ کانود ءِ بگیری اِنت بلکیں انسانی ھک، شرپ ءُ چاگردی واکءِ سر ءَ یک ارشے۔
آئیءَ گوشتگ کہ ما تچکءَ گوش ایں کہ بلوچ چاگرد ءَ زالبولانی یک مزنیں شرپے ءُ آیانی نشانگ کنگ سرجمیں چاگرد ءِ مچی سزا ءَ زانگ بیت۔
بلوچ وومن پورم ءَ زور داتگ کہ ریاستی ادارہ وتی آئینی، کانودی ءُ اکلاکی زمہ واریاں گوں سنگینی ءَ بہ زان اَنت۔ نرسنگ ءِنودربر ھدیجہ بلوچ زوت آجو کنگ بہ بیت، زوریں بیگواھیانی درچ زوت بند کنگ بہ بیت ءُ پہ اے وڑیں گامگیجانی بابت ءَ پٹ ءُپول کنگ بہ بیت ءُ ایشی زمہ وار جست گرگ بہ بنت۔
آئی ءَ گوشتگ کہ ما ھمے راستیءَ پدر کن ایں کہ انسانی ھکانی شرپ، کانود ءِ واکداری ءُ انساپ دیگ چونیں ھم چاگردے ءَ مھکم کنت۔ اے راھبندانی لگتمالی نہ تھنا ریاستءُ مھلوک ءِ میان ءَ دوری ودی کنت، بلکیں چاگرد ءِ ھمگرنچی ءَ تاوان دنت۔
بنشون: درشان اکس: بلوچ وومن پورم
