سندھودیش روولیوشنری آرمی (ایس آر اے(ءِ سروک سید ازگر شاہ ءَ مرچی سائیں جی ایم سید ءِ بیرانی ءِ سی ءُ یکمی سالروچ ءِ درگت ءَ وتی کلوھےءَ گوشتگ کہ سائیں جی ایم سید گوستانکی کرد، پگر ءُ جھد سند ءِ بانداتءُ آجوئی ءِ مانزمان اِنت۔ سندی راجءُ ھاس راجی زرمبشت ءَ وتی دمگءِ نوکیں گوں تیزی ءَ مٹ بیوکیں سیاسی جاور چارگ لوٹ اَنت، نوکیں ھیالانی گونءَ ھمگرنچ بوگ ءُ جھد گوں نوکیں شوربندیاں دیم ءَ برگ ءُ آجوئی ءِ جھد تیز کنگی اِنت۔
آئیءَ گوشتگ کہ آجوئی سندی راجءِ ابرمی ءُ گوستانکی ھک اِنت، ایشی پاکستان ءِ وڑیں وتگڑ ءُبے بنیادیں ریاستے داں دیر ءَ داشت نہ کنت۔ چی ءَ کہ پاکستان ءِ ھپتاد ءُ ھشت سال ءِ گوستانک، پیسلہ ءُ یکشل ءَ بیوکیں تباھی ھمے پیش دارگءَ اَنت کہ ھما ریاست ردیں لیکہ، پندل ءُ چہ رد دیگ ءَ جوڑ بہ بیت آ الم یک نہ یک روچے پرُش ایت۔
ایس آر اے ءِ سروک ءَ گوشتگ کہ مرچی پد ءَ سرجمیں جھان ھاس روکپتی ایشا ءِ دمگ جنگ ءَ مانروپتگ۔ گوست ءَ چوشیں جاور ودی بوتگ اَنت گڑا جتائیں دمگ، ڈیھ، سیمسرءُ نکش مٹ بوتگ اَنت۔ اے وھد ءَ ھم میان استمانی ءُ ھندی، سیاسیءُ جنگی جاور نوکیں نکش جوڑ کنگ، مزنیں اتھادانی پروشگ ءِ نیمگ ءِ اشارہ کنگ ءَ اَنت۔ پمشکا مارا راج ءُ راجی زرمبشتءِ بستارءَ سیدءِ لیکہ ءِ رژنائیءَ گوں زانشت ءُ دانائی ءِ شوربندیاں دیم ءَ جنزگ ءُ وتی جھد تیز کنگی اِنت۔
آئیءَ گڈی ءَ گوشتگ کہ من سائیں جی ایم سید ءِ سالروچ ءِ درگت ءَ آئی پگر ءُ جھد ءِ گون ءَ وپا کنگ ءِ کول ءَ کن آن ءُ آئی ءَ راجی آشوبی دروت ندر کن آں، سندی راج ءُ ھاس ورنایاں آشوبی جھد ءِ دوات ءَ دے آں۔ چی ءَ کہ اے ھما راہ اِنت مئے سرڈگار ءَ پھریز ایتءُ داں آجوئی ءِ منزل ءَ سر کنت۔
بنشون: کلوہ اکس: دامگ
