چہ کراچی ءَ پاکستانی پوج ءِ دست ءَ زور بیگواھیں دادشاہ بلوچ ء سپرھان ءِ کھول ءَ آئی زوریں بیگواھی ءِ بگیری ءَ کمپینے برجم دارگ ءِ جار جتگ۔
کھول ءِ گوشگ اِنت کہ داد شاہ بلوچ ءِ زوریں بیگواھی ءَ مرچی سے روچ سرجم بوتگ، داں مرچی آئی ھچ وڑیں ھال نیست۔ دادشاہ بلوچ ءِ زوریں بیگواھی ءِ بگیری ءَ باندا 25 اپریل ءَ رسانکدر ءَ کمپینے برجم دارگ بیت۔
آئی ءَ گوشتگ کہ ما گوں درسیں سیاسی ءُ انسانی ھکانی گل، کارکن ءُ نودربراں لوٹ کن ایں کہ آ اے کمپین ءَ بھر بزور اَنت ءُ پہ داد شاہ بلوچ ءِ آجوئی ءَ توار چست بہ کن اَنت۔
جار ءِ رد ءَ کمپین بیگاہ ءِ شش ءَ داں شپ ءِ دوازدہ ءَ برجم دارگ بیت۔
بنشون: جار اکس: جار اکس
