چہ شال ءَ پاکستانی پوج ءِ دست ءَ زور بیگواھیں نودربر ھدیجہ پیرجان ءِ کھول ءَ تربت پریس کلب ءَ پریس کانپرنس کرتگ ءُ گوشتگ کہ ھدیجہ پیرجان بی ایس نرسنگ ءِ ھپتمی سمسٹر ءِنودربرے ءُ آئی گڈی چکاس 28 اپریلءَ اِنت۔ 21 پریل 2026 ءِ شپ ءَ چہ شال ءِ بولان میڈیکل کالج ءِ جنکانی ھاسٹل ءَ آوار جنگ ءُ بیگواہ کنگ بوتگ۔
آئیءَ گوشتگ کہ سی ٹی ڈیءُ آدگہ ادارھانی کارمنداں ھواری ءَ کاروائی کرتگ ءُ بے ایپ آئی آر ءَ آوار جتگ۔ ھدیجہ پیرجان آوار جنگ ءِ وھد ءَ آزار دیگ ھم بوتگءُ آدگہ نودربر ھم ترسینگ بوتگ اَنت۔
کھول ءِ گوشگ اِنت کہ ھدیجہ پیرجان چہ ایشی پیش 14 مارچ 2026 ءَ سی ٹی ڈی ءَ لوٹ اتگ آ تربت ءَ پیش بوتگ۔ جست ءُ پرس ءَ پد آ بے میار لیکگ بوتگ۔ چہ ایشی ابید آئی آوار جنی پھم ءَ ڈن اِنت۔
آئیءَ لوٹ کرتگءُ گوشتگ کہ اگاں ھدیجہ ءِ سر ءَ چونیں ھم بھتامے ھست گڑا آمیدگس ءَ پیش کنگ بہ بیت ءُ آئی ءَ کانود ءِ رد ءَ وتی بے میار پیش کنگ ءِ ھک دیگ بہ بیت۔
بنشون: پریس کانپرنس اکس:رسانکدر
