بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچ ءِ ھند تمپ ءَ دازن ءِ دوراھی ءَ برجاھیں دژمنیں لشکر ءِ پانگس ءِ سر ءَ اُرش کُرتگ۔
آئی ءَ گوشتگ کہ بی ایل ایپ ءِ سرمچاراں دہ پروری ءِ شپ ءِ ھشت ءَ دُژمنیں لشکر ءِ پانگس گوں ٹوھین ءُ وتکاریں سلاھاں نشانگ کُرتگ، اُرش ءَ دژمنیں لشکر ءَ جانی ءُ مالی تاوان بیتگ۔
بی ایل ایپ ءِ جارکش میجر گھرام ءَ اُرش ءِ زمہ واری منّ اتگ ءُ گوشتگ کہ داں بلوچستان ءِ آجوئی ءَ زورگریں پاکستانی لشکر ءُ ریاست ءِ سیت مئے نشانگ ءَ اَنت۔
