پَنجگُور ءَ زی چہ پاکستانی پوج ءِ نیمگ ءَ چار مردم ءِ لاش سر کنگ بوتگ اَت، آدگہ دوئیں لاش پچارگ بوتگ اَنت۔
بنشون ءِ رد ءَ پوج ءِ دست ءَ کشگ بوتگیں مردمانی نام شھرام ء بھرام ءُ زولپکار ء مساپر اِنت۔ دوئیں روکپتی بلوچستان ءِ دمگ گیشتگان ءِ جاہ منند اَنت۔ پاکستانی پوج ءَ 21 پروری 2026 ءَ گیشتگان ءَ چہ سیمسر ءَ ھما وھد ءَ آوار جتگ ءُ بیگواہ کرتگ اَنت کہ آ وتی سیمسر ءَ وتی گوکانی چارگ ءَ بوتگ اَنت۔
شھرام ءُ زولپکار ءِ آوارجنی ءِ گپ آئی ایس پی آر ءَ ھم من اِتگ اَت۔
دومی نیمگ ءَ ھندی مرمانی گوشگ اِنت کہ اے دوئیں مردم بے میاریں مردم اَنت ءُ آیاں گوں ھچ وڑیں چست ءُ ایراں کار نہ بوتگ۔ آ 21 پروری ءَ سیمسر ءَ ٹٹانی میان ءَ وتی گوکانی بیرہ دیگ ءَ بوتگ اَنت کہ پاکستانی پوج ءَ آوار جتگ ءُ بیگواہ کرتگ اَنت۔
پاکستانی پوج ءَ زی پروم نادراھجاہ ءَ چار مردم ءِ لاش آرتگ اَت چہ آیاں دو ورنا پجارگ بوتگ اَت کہ آیانی نام مروان بلوچ ءِ ھمزہ ءُ ھاتم بلوچ ء ھاجی مھمد اِنت دوئیں بیگواھیں مردم اَنت۔
شھرام بلوچ ءُ زلپکار بلوچ ءِ لاش زی پَنجگُور ءَ برگ بوتگ اَنت کہ آیانی لاش مرچی پجارگ بوتگ اَنت۔
بنشون: اھوالکار اکس: زرمبش
