شال: وائس پار بلوچ مسنگ پرسنز (وی بی ایم پی) ءِ زھرشانی گدان ءَ شال پریس کلب ءِ دیم 6137 روچ سرجم بوتگ۔ مرچی نیاز مھمد گدان ءَ ساڑی بوتگ۔
آدینگ ءِ روچ ءَ کامریڈ منزور اھمد گدان ءَ آتکگ ءُ گوں بیگواھیں مردمانی کھولاں ھمدردی درشان کرتگ ءُ گوشتگ کہ زوریں بیگواھی انسانی گنتریں لگتمالی اِنت ءُ اے زوراکی ءِ آماچیں کھول جنجال اَنت۔
وی بی ایم پی ءِ ایگزیکٹو کمیٹی ءِ کارکن نیاز مھمد ءَ گوشتگ کہ ریاست راھبند ءِ پابند بہ بیت ءُ شھریانی پھریز ءَ بہ کنت۔ اگاں کسے ءِ سر ءَ بھتام ھست آئی ءَ آمیدگس ءَ پیش بہ کنت ءُ کانودی کاروائی بہ کنت۔
آئی لوٹ کرتگ کہ زوربیگواھیں مردمانی درکانودی کوش ءِ دارگ ءَ زوت گامگیج زورگ بہ بیت۔
بنشون: درشان اکس: وی بی ایم پی
