گوادر ءَ چہ سرمچارانی ارشانی ترسءَ ھندی ماھیگیرانی شپ ءِ شکار ءِ سر ءَ پابندی جنگ بوتگ۔
ماھیگیری تک ءِ نیمگ ءَ جارےءَ گوشگ بوتگ کہ گوادر ءِ ریڈ زون، پورٹ ایریا، پاکستان کوسٹ گارڈ بنجل ءُ تیاب ءِ کِر ءُ کشان شپ ءِ کجام ھم وھد ءَ ماھیگیراں شکار ءِ موکل نیست۔
دیمتر ءَ گوشگ بوتگ کہ ماھیگیر شکارءِ میانءَ ماھیگیری لائسنس، پجار کارڈ، ماھیگیری کارڈ ءُآدگہ ھژدری کاگداں بزور اَنت۔ چہ پھازدارانی نیمگءَ اشارہ کنگ بوت گڑا زوت بہ اوشت اَنت۔
آئیءَ کڈن کرتگءُ گوشتگ کہ اگاں اے پرمان مان آرگ نہ بوت گڑا کانود ءِ رد ءَ کاروائی کنگ بیت۔
دومی نیمگءَ ماھیگیراں اے پیسلہ رد کرتگ ءُ گوشتگ کہ ما پیسر ءَ چہ بازیں پابندیاں سانمندین ءُ نوں شپ ءَ شکار ءِ سر ءَ پابندی مئے زورگارءَ گیشتر تاوان دنت۔
بنشون: رسانکدر اکس: دامگ
