تربت: بانک چڑھائی ءَ زی سی ٹی ڈی ءِ دروگیں میڑ ءَ چار مردم کُشگ بوتگ اَت چارمی مردم چہ بیگواھیں مردماں پجارگ بوتگ۔
بنشون ءِ رد ءَ چارمی مردم ءِ نام ودود ء مبارک اِنت کہ پنجگور ءِ ھند چتکان گریب آباد ءِ جھمنند اِنت۔ ودود ء مبارک پاکستانی لشکر ءَ ھمے سال ءَ پنجگور ءَ چہ آئی گس ءَ آوار جتگ ءُ بیگواہ کرتگ اَت۔
یات بہ بہ اِت کہ سی ٹی ڈی ءِ دروگیں میڑ ءَ شھید کنگ بوتگیں چہ چاریں مردماں سئے مردم ءِ جون پیسر ءَ پجارگ بوتگ ءُ یکے ودود ء مبارک اِنت چاریں مردم زور بیگواھیں مردم اَنت کہ جتائیں وھد ءُ چہ جتائیں جاھاں بیگواہ کنگ بوتگ اَنت۔
بنشون: دمگی اھوالکار | اکس: دامگ
