ریڈیو زْرمبش بلوچی | ریڈیو زْرمبش بلوچی

تربت: پنچ شمبے ءِ سھب ءَ سی ٹی ڈی ءَ دروگیں میڑے ءِ نام ءَ چار مردم کُشتگ ءُ لاش تربت نادراھجاہ ءَ سر کُرتگ اَنت کہ چہ ایشاں یکے پجارگ بوتگ کہ چیزے روچ پیش پاکستانی لشکر ءَ آوار جتگ ءُ بُرتگ۔

سی ٹی ڈی ءِ گوشگ اِنت کہ اے چاریں مردم پسنی دگ ءَ بانک کنڈگ ءَ دیم پہ دیمی میڑے ءَ کشگ بیتگ اَنت ءُ چہ ایشاں بازیں کچے ءَ سلاہ ءُ سامان دستیگ کنگ بیتگ۔

سی ٹی ڈی ءِ دروگیں میڑ ءَ کشگ بیتگیں مردمانی تہ ءَ یکے بالاچ ء مولابکش اِنت کہ آپسر تُربت ءِ جھمنند اِنت پاکستانی لشکر ءَ 29 اکتوبر ءِ شپ ءِ دوازدہ ءَ چہ گِس ءَ جتگ ءُ بُرتگ۔ بالاچ ءِ جون آئی کھول ءَ پجاہ آؤرتگ۔

زی 21 نومبر ءَ بالاچ آمیدگس ءَ پیش کنگ بوتگ ءُ آمیدگس ءَ دہ روچ ءِ ریمانڈ داتگ۔ ھمے میان ءَ کھول ءَ بالاچ چار اِتگ ءُ گد ءُ زّر ھم داتگ۔ #BalochistanCrsisis

بنشون: اھوالکار / اکس: اھوالکار