گدّار ءُ دَگاباز ءِ بزانت چوش اِنت کہ کَسے وتی راج ءُ ملک ءَ بدی بہ کنت ءُ پرائی ءَ تاوانے بہ بیت، بلے آ پُسّگ کہ سرکار ءِ رَدیں گَپّاں مہ گیپت گڑا آ گَدّار گْوشگ نہ بیت، چے ءَ کہ سرکار درامدیں چیزے۔۔۔
بلے بلوچ ءِ زمین ءُ سرڈگار پاکستان ءِ گْوشگ ءِ رِد ءَ زی ھان آپ کلات ءَ اسلام ءِ نام ءَ بکشاتگ کہ اِد ءَ یک اسلامی ملکے کران ءِ ھُگمانی سر ءَ جوڑ بیت۔۔۔ چوش کہ مروچی اے گَپّ گیشّ اِتگ کہ اسلام ءِ نام ءَ ھان آپ کلات رَد دَیگ بوتگ، گڑا رَدیں ءُ دْروگیں کول ءُ کرار یا سَودا ھم کانود ءُ شرھی بستار نہ دار اَنت۔۔۔ اے درگت ءَ بلوچ ءَ وتی سرڈگار ءِ لوٹگ ءِ شرھی ءُ کانودی ھَکّ ھست پرے گَپّ ءَ سرکار بد مہ بارت ءُ بلوچاں مہ کُش اِیت ءُ بیگْواہ مہ کنت۔۔۔
پُسّگاں کران ءَ اے گَپّ گیشّینتگ اللہ گْوش ایت، "او ایمان ایر کنوکاں! یہود ءُ نساراناں وتی دوست ءُ کمکار مہ کن اِت، آ کہ وت ماں وت یک دومی ءِ دوست بہ بنت ءُ چَہ شمے توک ءَ آیاں کہ آ وتی دوست جوڑ کن اَنت گڑا بجزم کہ آ چرایان اَنت بے شک اللہ چوشیں زالمیں راجاں سرپدی نہ دنت.' المائدہ، آیت 51 نوں شما وت بہ جیڑ اِت، پاکستان کئی دوست ءُ کمکار اِنت؟ اللہ ءِ ھگم پہ چُشیناں چی اَنت۔۔۔؟