ریڈیو زْرمبش بلوچی | ریڈیو زْرمبش بلوچی

گْوادر: جیوز گوادر ءَ ماں رسانکدر ءَ وتی شنگ کرتگیں جارے ءَ گوشتگ کہ جیوز گوادر ءِ ھمک ماھی مراگِش جنوری ءِ اولی روچ ءَ بیگاہ ءِ چار ءَ ماں جیوز کارگِس ءَ برجم دارگ بوگ ءَ اِنت۔

آئی ءَ گوشتگ کہ مراگِش ءِ گچینی مھمان نیو ٹاؤن گرائمر وانگجاہ گوادر ءِ پرنسپل ابدالکریم اِنت۔ اے مراگش ءَ آیوکیں نبشتہ کار ءُ شائر وتی ردانک ءُ لچھاں دیوان ءَ ندر کن اَنت۔

آئی ءَ گوشتگ کہ مارا چہ شما ھمے اوست اِنت کہ پہ زبان ءُ لبزانک ءِ اے چاگردی جھد ءِ سپّر ءِ تہ ءَ وتی بھرشتے ھوار کن اِت ءُ مراگش ءَ پہ وھد ساڑی بہ اِت۔