بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں تربت آپسر ءَ زورگریں پاکستانی لشکر ءِ چوکی نشانگ کرتگ ءُ جانی ءُ مالی تاوان داتگ۔
آئی ءَ گوشتگ کہ یک پروری ءِ بیگاہ ءَ شش ءُ بیست ءَ گل ءِ اسنائپر ٹیکٹیکل بھرگ ءَ آپسر ڈاکی بازار ءَ برجاھیں زورگریں پاکستانی لشکر ءِ چوکی پیسر ءَ گوں اسنائپر ءَ نشانگ کرتگ ءُ دو کارمند کشتگ ءُ چہ ایشی ءَ پد چوکی گوں اے ون ءِ گولایاں نشانگ کرتگ ءُ دژمن ءَ گیش جانی ءُ مالی تاوان داتگ۔
میجر گھرام ءَ اُرش ءِ زمہ واری منّ اتگ ءُ گوشتگ کہ داں سرڈگار ءِ آجوئی ءَ اُرش برجاہ بنت۔
