بلوچستان آجوئی سنگر (بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ بلوچ سرمچاراں شمے ءِ شپ ءِ 7:30 ءَ سنگانی سر سائن بورڈ ءِ نزیک ءَ برجاھیں پاکستانی لشکر ءِ پانگس ءِ سر ءَ پنچ راکٹ جتگ کہ چہ ایشی ءَ لشکر ءِ یک کارمندے مُرتگ ءُ دو ٹپی بیتگ۔
آئی ءَ گوشتگ کہ اُرش ءَ پد ترسوکیں لشکر چہ سرمچارانی گھتریں کارشونیاں اگولو بیتگ ءُ لس آبادی ءِ سر ءَ مارٹر جتگ ءُ تیرگْواری کُرتگ کہ چہ لشکر ءِ ماٹراں لھتیں گولا بنڈ بازار آپسر ءَ گسے ءِ سر ءَ کپتگ۔
جارکش ءَ گوشتگ کہ کیچ ءِ وڑیں شھرے ءَ ھرچ وھد ءَ لشکر ءُ چیریں ادارھانی کارمند سوگہ اَنت بلے سرمچاراں گوں گھتریں کارشونیاں اُرش کُرتگ ءُ دژمن ءِ تُرس گیش کُرتگ۔
آئی ءَ گوشتگ کہ ما گْوشگ لوٹ ایں کہ بلوچ سرمچارانی چم ریاست ءِ شوربندیانی سر ءَ سَک اَنت ءُ دیمتر ءَ گوں گھتریں کارشونیاں دژمن ءَ گیش تاوان بار کن ایں۔
میجر گھرام ءَ اُرش ءِ زمہ واری منّ اتگ ءُ گوشتگ کہ دژمنیں لشکر ءِ سر ءَ اُرش داں بلوچستان ءِ آجوئی ءُ وتواکی ءَ گوں تردندی ءَ برجاہ بنت۔
