بلوچ ریپبلکن گارڈز(بی آر جی) ءِ جارکش دوستین بلوچ ءَ وتی درشان ءَ گوشتگ کہ سرمچاراں سبی ءِ ھند لمجی ءَ پولیس چوکی دستیگ کرتگ ءُ سلاہ، گاڑی ءُ آدگہ پوجی سامان دستیگ کرتگ اَنت ءُ کارمند کڈن کنگ ءَ پد یل داتگ اَنت۔
آئی گوشتگ کہ مئے سرمچاراں سبی ءِ نزیک ءَ شال ءُ کراچی شھدگ بستگ ءُ گاڑی پٹ ءُ پول کرتگ اَنت۔ دگ بندی ءِ وھد ءَ زورگریں پوج ءَ دیم ءَ آیگ جھد کرتگ کہ پوج ءُ سرمچارانی میان ءَ داں دیر ءَ میڑ برجاہ بوتگ۔ چہ ایشی آسر ءَ زورگریں پوج ءِ لھتیں کارمند مرتگ ءُ ٹپی بوتگ۔
دوستین بلوچ ءَ اے اُرشانی زمہ واری من اِتگ ءُ گوشتگ کہ مئے اے وڑیں کاروائی داں بلوچستان ءِ آجوئی ءَ برجاہ بنت۔
بنشون: درشان اکس: زرمبش
