بلوچ یکجھتی کمیٹی ءَ پنجگُور ءَ دو زور بیگواھیں ورنا مروان بلوچ ء ھمزہ ءُ ھاتم بلوچ ء ھاجی مھمد ءِ درکانودی کوش ایر جتگ ءُ گوشتگ کہ پاکستانی پوج ءَ زوریں بیگواھی ءَ پد دروگیں میڑ ءَ کشتگ اَنت ءُ آیانی آزار داتگ ءُ تیر سپتگیں لاش نادراھجاہ ءَ سر کرتگ اَنت۔
بی وائی سی ءِ رد ءَ مروان بلوچ ھژدہ سالی نودربرے ءُ ھاتم بلوچ ھبدہ سالی نودربرے، دوئیں شاپاتان ءِ جاہ منند اَنت پنچ اپریل 2026 ءَ چہ پروم لیگورک ءَ پاکستانی پوج ءَ آوار جتگ ءُ بیگواہ کرتگ اَنت۔ چہ بازیں آزار دیگ ءَ پد ریاستی پوج ءَ دروگیں میڑ ءَ کشتگ ءُ وتی میارباری ءِ چیر دیگ ءِ کوشست کرتگ۔
آئی ءَ گوشتگ کہ گوستگیں سے ماھانی میان ءَ تھنا چہ پَنجگُور ءَ چل ورنا ناھک ءَ کشگ ءُ آیانی لاش چگل دیگ بوتگ اَنت۔
بی وائی سی ءَ گوشتگ کہ بلوچ مھلوک ءَ ھوار گوں سرجمیں جھان ءَ لوٹ کن ایں کہ آ پہ انساپ ءَ توار چست بہ کن اَنت، اگاں مرچی بے توار بوت ایں گڑا باندا اے زوراکی گیش بیت۔
بنشون: درشان اکس: بی وائی سی
