کتر: اوگانستان ءُ پاکستان ءِ جھگیرانی میان ءَ پہ جنگ بندی ءَ گپ ءُ تران سوبین بیتگ کہ دوئیں ڈیھانی جھگیراں کول نامگ ءِ سر ءَ دز رند داتگ۔
آیاں پہ اے جیڑہ ءِ گیش ءُ گیوار کنگ ءِ درچ ءَ کتر ءُ ترکی ءِ جھدانی منت گپتگ ءُ گوشتگ کہ ما دوئیں ڈیھ وت ماں وت ءَ شریں ھمساگے ءِ وڑ ءَ پیش بہ ایں۔ آیاں ھمے سدکی داتگ کہ جیڑہ ءُ بگیریاں پہ گپ ءُ تران ءِ پارست ءَ گیش ءُ گیوار کن ایں۔ آ ھم ٹولیانی پلہ مرزی ءَ نہ کن ایں کہ پاکستان سرکار ءِ بگیری ءَ کار کنگ ءَ اَنت۔
آیاں سرجم ءَ جنگ بندی ءِ سر ءَ سدکی داتگ ءُ گوشتگ کہ دوئیں ڈیھ یکے دومی ءِ بگیری ءَ ھچ وڑیں دژمنی ءُ ارش نہ کن ایں۔
