لسبیلہ: بی ایس او ءِ پیشیگیں چیئرمین امران بلوچ چہ چار ماہ ءِ زندان ءَ بندیگ بوگ ءَ پد مرچی آجو بیتگ۔
بنشون ءِ رد ءَ امران بلوچ ھمے سال ءِ مئی ءَ پہ بلوچ یکجھتی کمیٹی ءِ زھرشانیاں بھر زورگ ءِ پژدر ءَ تھری ایم پی اوءِ رد ءَ گرگ بیتگ اَت ءُ پد ءَ گڈانی زندان ءَ بندیگ بیتگ۔
چوش کہ اے میان ءَ زھرشانیانی پژدر ءَ بلوچ یکجھتی کمیٹی ءِ سروک ڈاکٹر ماہ رنگ بلوچ، سبگت اللہ شاہ جی، بیرگ بلوچ، گلزادی بلوچ ءُ بیبو بلوچ ءَ ھوار دگہ ھم باز بی وائی سی ءِ باسک گرگ بیتگ اَنت۔
