بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی درشان ءَ گوشتگ کہ بی ایل ایپ راجی آجوئی ءِ جنگ ءَ شھید بوتگیں سنگت لیپٹیننٹ سلمان وھید ، اکرام بلوچ، کیپٹن شھباز شوھاز ، مسئود بلوچ، ازت بلوچ ءُ ھمزہ بلوچ ءَ ستک شانی ندر کنت کہ شھیدیں سنگتاں وتی سرانی دیمونی داتگ ءُ داں ھون ءِ گڈی ترمپ ءَ راج ءُ سرڈگار ءِ پھریزگ ءَ وتی اھد ءُ راجی پرز ءَ پیلو کنان ءَ نمیران بوتگ اَنت۔ شھیداں چہ وتی گراں بھائیں دیمونیاں پیش داشتگ کہ بلوچ سرمچار وتی راج ءُ سرڈگار ءِ پھریزگ ءَ ھچ وڑیں دیمونی دیگ ءَ چک ءُ پد نہ بنت۔
آئی گوشتگ کہ شھید لیپٹیننٹ سلمان پنام شکاری چراگ جان وھیدہ ءِ چک زامران ءِ جاھمنند اَت ءُ 2023 ءَ بی ایل ایپ ءَ ھوار بوتگ۔ اے کمیں وھدانی میان ءَ آئی زامران، کلبر، مزن بند ، بلیدہ، پروم ءُ مند ءَ جنگی سنگران دشمن ءِ بگیری ءَ پوجی مزنیں کاراں گوں دلیری ءَ راجی پرز پیلو کرتگ۔ گوستگیں سال ءَ مند ءِ ھند دریا چم ءَ یک کاروائی ءِ میان ءَ دشمن ءِ کیمپ ءِ دستیگ کنگ ءَ اود ءَ دژمن ءِ یازدہ کارمند مرتگ اَت، شھید لیپٹیننٹ سلمان ءِ جوانیں کردے بوتگ۔ آ یک سکا جپاکشیں، زمہ وار ءُ زانتکاریں سرمچارے اَت۔ آ اسنائپر ٹیکٹیکل ٹولی ءِ بھر اَت۔
نا وانندگ بوگ ءَ ابید آئی تہ ءَ چیزانی ھیل کنگ ءُ دربرگ ءِ ھنر ھست اَت ۔ شھید سلمان وھیدہ 16 اپریل 2026 ءَ زامران ءِ ھند دشتک ءَ دشمن ءِ برزی ارش ءَ شھید بوتگ۔
آئی گوشتگ کہ شھید اِکرام بلوچ پنام ھمید ء رھیم بکش امری کھن سامی ءِ جھمنند اَت 2017 ءَ بی ایل ایپ ءَ ھوار بوتگ۔ آئی شاپک، سامی، ھیرونک، ھوشاب، بالگتر ، بلیدہ، پروم ءُ زامران ءِ سنگراں گوں دلیری ءَ راجی پرز پیلو کرتگ۔ بالگتر ءَ دژمن ءِ بنجل ءِ دو رند ءَ دستیگ کنگ ءَ ھوار بوتگ ۔ آ چہ زمہ واریاں آشنا بوتگ، یک بے کساس دلیر، جپاکشیں سرمچارے اَت آئی پہ بلوچ راج ءِ آجوئی ءُ وشھالیں باندات ءَ وت ءَ ندر کرتگ۔ شھید اکرام بلوچ پنام ھمید 16 اپریل 2026 ءَ زامران ءِ ھند دشتک ءَ دژمن ءِ برزی ارش ءَ شھید بوتگ۔
شھید کیپٹن شھباز شوھاز پنام کیا بلوچ ء ابدلمجید پَنجگُور ءِ ھند گریب آباد ءِ جھمنند اِنت۔ آ 2020 ءَ بی ایل ایپ ءَ ھوار بوتگ ءُ راجی جھد بندات کرتگ۔ آ بندات ءَ سے داں سال ءَ شھری چیرجنگی ءَ شھری نیٹورک ءِ زمہ وار بوتگ۔ داں سے سال ءَ دژمن ءِ میان ءَ بوتگ ءُ گوں چیرجنگی ھنراں دژمن تاوان داتگ ءُ سال 2023 ءَ کوہ ءَ شتگ۔ کوہ ءَ آئی اوتاک ءِ کمانڈر ءِ زمہ واری دیگ بوتگ ءُ آئی داں شھیدی ءَ گوں توکل ، اوپار ءُ گوں وش اکلاکی ءَ سرجم کرتگ۔ آ یک زانتکاریں چیرجنگی کمانڈرے اَت بلکیں بلوچی زبان ءِ یک شریں شائرے اَت ۔شھید شھباز دژمن ءِ یک پندلے ءَ 15 اپریل 2026 ءَ شھید بوتگ ۔ شھید ءِ کشندہ ءَ داں گڈی آسر ءَ سر کن آں۔
جارکش ءَ گوشتگ کہ شھید مسئود بلوچ پنام بارگ ء زاکر اومری کھن ءِ جھمنند اَت۔ آ داں شش ماہ ءَ بی ایل ایپ ءِ شھری نیٹورک ءِ بھر بوتگ ءُ آئی زمہ واری شکی گچینیں جاھانی چارگ، رھوت ءُ سنگت کمک کرتگ اَنت۔ آئی چہ گل ءِ نیمگ ءَ دیگ بوتگیں وتی راجی پرز گوں زمہ واری ءَ پیلو کرتگ ءُ ھمک مشن ءَ پہ وھد سرجم کرتگ اَت۔ شھید مسئود نوزدہ پروری 2026 ءَ گوں سنگتاں گل ءِ بنجل ءِ نیمگ ءَ روگ ءَ بوتگ کہ اومری کھن ءَ دژمن ءِ نیمگ ءَ کواڈ کاپٹر ءِ اُرش ءَ شھید بوتگ ءُ آئی سنگت سرمچار شھید اکرام اے اُرش ءَ ٹپی بوتگ اَت۔
آئی گوشتگ کہ سنگتیں سرمچار ازت پنام جمی ء ماسٹر نور ءُ ھمزہ پنام وھید ء ناکو پیز تمپ دازین ءِ جھمنند اَنت۔ کشندہ ٹولی ءِ کارمندانی اُرش ءَ شھید بوتگ اَنت۔ پاکستانی پوج ءِ سروکی ءَ آجوئی زرمبشت ءِ بگیری ءَ سرگرمیں کشندہ ٹولی ءِ کارمنداں یک جنوری ءَ تیرگواری کرتگ ءُ شھید کرتگ اَنت۔
آئی گوشتگ کہ شھید سرمچار ازت پنام جمی ءَ 2013 ءَ پہ بلوچستان ءِ آجوئی ءَ بی ایل ایپ ءَ سلاہ بندیں جھد بندات کرتگ۔ داں سَے سال ءَ آئی شھری چیرجنگی ءَ گوں جھد ءَ زمہ واری پیلو کرتگ اَنت۔ پد ءَ دژمن ءِ چیریں بھرگ ءِ زانگ ءِ سوب ءَ گل ءَ بنجل ءَ دیم داتگ۔ اود ءَ آئی جتائیں سنگراں گوں جپاکشی ءَ وتی راجی زمہ واری پیلو کرتگ اَنت ءُ دژمن ءِ بگیری ءَ جتائیں کاروائیاں ھوار بوتگ۔ شھید ازت ءَ وتی راجی ءُ گل ءِ پرز گوں ایمانداری ءَ پیلو کرتگ ءُ گوستانک ءَ وتی نام زندگ داشتگ۔ شھید ازت ءَ ابید آئی کھول ءِ باز مردماں پہ راجی آجوئی ءَ دیمونی داتگ ءُ گوستانک ءَ شرپے کٹ اِتگ۔
آئی گوشتگ کہ سنگت ھمزہ پنام وھید بلوچ پہ راجی آجوئی ءِ جھد ءَ 2009 ءَ بی ایل ایپ ءَ ھوار بوتگ۔ آئی ءَ چہ گل ءِ نیمگ ءَ دیگ بوتگیں زمہ واری گوں بے مٹیں جپاکشی ءُ ایمانداری ءَ سرجم کرتگ اَنت۔ آئی ءُ آئی کھول ءِ دیمونیاں زرمبشت ءُ گل ءَ را یک توانے بکش اَتگ۔ آئی دیمونی پہ مدامی بلوچ راجی یاداشت ءِ بھر بنت۔ شھید ازت پنام جمی ءُ شھید ھمزہ پنام وھید ءَ گْوادر، دشت، تمپ، تُربَت ءُ مند ءَ ھوار بازیں ھنداں پوجی کاروائیانی بھر بوتگ اَنت۔ اود ءَ آیاں سنگتانی ھواری ءَ بازیں پوجی بنجلانی دستیگ ءُ کاروانانی سر ءَ اُرش کرتگ۔
درشان ءِ گڈی ءَ میجر گھرام بلوچ ءَ شھیدیں سرمچار ستک شانی ندر کرتگ اَنت ءُ کول کرتگ کہ پہ شھیدانی مول ءِ منزل ءَ سر کنگ ءَ زورگریں ریاست ءِ بگیری ءَ جنگ گوں ترندی ءَ برجاہ بیت۔
بنشون: درشان اکس: زرمبش
