آواران: چہ جاؤ ءَ پاکستانی پوج ءِ دست ءَ زور بیگواہ کنگ بیتگیں ھمزہ بلوچ ءِ لاش دزکپتگ۔
زرمبش جھگیرءِ رد ءَ بیگواھیں ھمزہ بلوچ ء نورجان ھزدار ءِ ھند اورناچ سورگر ءِ جھمنند اِنت کہ پاکستانی پوج ءِ جوڑ کرتگیں کشندہ ٹولی ءِ کارمنداں پنچ روچ پیش آوار جتگ ءُ پوج ءِ دست ءَ داتگ۔ ھمزہ بلوچ ءِ لاش مرچی چہ جاؤ ءِ میتگ کورک ءَ جوتر کئور ءَ دزکپتگ۔
ھندی مردمانی گوشگ اِنت کہ پاکستانی پوج ءُ کشندہ ٹولی ءِ کارمنداں مرچی ھمے جاہ ءَ داں دیر ءَ راہ بستگ ءُ نشتگ اَنت۔
