شال ءَ پہ زور بیگواھیں مردمانی آجوئی ءَ وائس پار بلوچ مسنگ پرسنز ءِ زھرشانی گدان ءَ شال پریس کلب ءِ دیم ءَ 6150 روچ سرجم بوتگ۔
مرچی زور بیگواھیں مزار ھان مھمد ھسنیءِ کھول گدان ءَ اتکگ ءُ وتی زھرشانی یاداشت کرتگ ءُ گوشتگ کہ مزار ھان مھمد ھسنی ء نور الدین 5 جولائی 2015 ءَ چہ کلات ءِ ھند جوھان ءِ دوراھی ءَ منگوچرءَ پوج ءَ آوار جتگ ءُ بیگواہ کرتگ۔
کھول ءِ گوشگ اِنت کہ ما کیس کمیشن ءَ یاداشت کرتگ بلے آئی بابت ءَ مارا ھچ وڑیں ھال دیگ ءَ نہ اِنت چہ ایشی ءَ مئے کھول سکا سسائی جنجالانی دیمپان اِنت۔
وی بی ایم پی ءَ گوشتگ کہ چہ گل ءِ نیمگ ءَ آئی کھول دلجمی دیگ بوتگ کہ مزار ھان مھمد ھسنی ءِ کیس ءِ بابت ءَ گوں کمیشن ءَ ھال کن ایں دانکہ آئی بابت ءَ جست ءُ پرس پد ءَ بندات بہ بیت ءُ پہ آئی بابت ءَ ھمک جاہ ءَ توار چست کن ایں۔
وی بی ایم پی ءِ چیئرمین نسر اللہ بلوچ ءَ گوں سرکار ءَ لوٹ کرتگ کہ مزار ھان مھمد ھسنی ءَ ھوار درسیں زور بیگواھیں مردم زوت آجو کنگ بہ بنت اگاں آیانی سر ءَ چونیں بھتام ھست گڑا آمیدگس ءَ پیش کنگ بہ بنت ءُ کانودی لوٹ پیلو کنگ بہ بنت۔
بنشون: درشان اکس: وی بی ایم پی
