دکی: سی ٹی ڈی ءَ پنچ سلاہ بندیں مردمانی کشگ ءُ آیانی سلاھانی دستیگ کنگ ءِ ٹاپار جتگ۔
سی ٹی ڈیءِ جارکش ءِگوشگ اِنت کہ چیریں ھالے ءِ بنیادءَ کاروائی کرتگ ءُ پسھی تیرگواری ءَ پنچ مردم کشتگ کہ اے مردم ریاست ءِ بگیری ءَ کاراں ھوار بیتگ اَنت۔ چہ کشگ بیتگیں مردماں سلاہ ءُ تراکناکیں شورہ ھم دستیگ کنگ بیتگ۔
چوش کہ سی ٹی ڈی ءِ دروگیں میڑاں کشگ بیتگیں مردم انگت پجارگ نہ بیتگ اَنت بلے انچوش گمان کنگ بوگ ءَ اِنت کہ کشگ بیتگیں مردم زور بیگواھیں مردم بنت۔ چہ ایشی ءَ پیش ھم سی ٹی ڈی ءِ دروگیں میڑاں کشگ بیتگیں مردم چہ زور بیگواھیں مردماں پجارگ بیتگ اَنت۔
