سندھودیش روولیوشنری آرمی(ایس آر اے) ءِ جارکش سوڈو سندی ءَ ماں رسانکدر ءَ وتی شنگ کرتگیں درشانے ءَ گوشتگ کہ ایس آر اے دوشی سجاول، بدین دگ ءَ جاتی چاراہ ءِ نزیک ءَ پنجاپ ءَ آئل بروکیں ٹینکرانی سر ءَ ارش ءِ زمہ اری ءَ من ایت۔ ایشی آسر ءَ آئل ٹینکر ءُ آئی کارکنوکاں جانی ءُ مالی تاوان بیتگ۔
آئی ءَ گوشتگ کہ پاکستان ریاست ءَ لشکر ءُ زور ءِ سر ءَ سند دستیگ کرتگ ءُ سندی راج ءِ مالی لٹ ءُ پل ءُ چکچینی ءَ کنگ ءَ اِنت۔
جارکش ءَ گوشتگ کہ سند ءِ کور، دریا ، ڈگار، تیل، گیس، اشکر ءُ آدگہ درسیں مڈیانی سر ءَ پہ وتی زورگپتی ءِ برجاہ دارگ ءَ سندی راج ءِ زندمان ءُ ھستمان ءَ گوں ھمگرنچیں درسیں راھاں بند کنگ ءَ اِنت۔
آئی ءَ گوشتگ کہ سند ءِ ھر یک بڈگے، مال ءُ مڈی سندی راج ءِ میراس اَنت ءُ مئے آھوکیں پدریچ ءِ امانت اَنت۔آیانی پھریزگ ءَ ما وتی بنیادی زمہ واری سرپد بہ ایں۔
سوڈو سندی ءَ وتی درشان ءِ گڈی ءَ گوشتگ کہ ایس آر اے وتی گھگیری جنگ ءَ داں سند ءِ سرجمیں آجوئی ءَ برجاہ دارگ ءِ کول ءَ کنت۔
