کیچ: پاکستانی پوج ءَ زوربیگواھیں زرناز ءِ پس ءَ ھوار دو مردم آوار جتگ، زالبولے ءَ دل ءَ گپتگ ءُ بیران بوتگ۔
اھوالکار ءِ رد ءَ دوشی ادار یازدہ ءَ تُربَت نادراھجاہ ءِ دیم ءَ پاکستانی پوج ءَ اوپیز ء لتیپ بلوچ آوار جتگ ءُ بیگواہ کرتگ۔ بیگواہ کرتگیں اوپیز ءِ آوار جنگ ءِ وھد ءَ پوج ءَ گوں زالبولاں زوراکی کرتگ کہ ھمے وھد ءَ اوپیز ءِ بَلُّک ءَ دل ءَ گپتگ ءُ بیران بوتگ۔
ھندی بنشون ءِ رد ءَ زوربیگواہ کرتگیں اوپیز یک شپانکے ءُ مند ءِ میتگ سمّی چات ءِ جھمنند اِنت۔ آئی وتی بلک پہ الاج نادراھجاہ برتگ کہ پوج ءَ آوار جتگ۔
ھمے وڑ ءَ چہ تجابان ءَ پاکستانی پوج ءِ دست ءَ زوربیگواہ کرتگیں زالبول زرناز بلوچ ءِ پِس شپی بلوچ پوج وتی بنجل ءَ لوٹائینتگ کہ آ کاگدانی سر ءَ دزرند بہ دنت ما آئی جنک ءَ آجو کن ایں۔ آ پوج ءِ بنجل ءَ شتگ گڑا پوج ءَ شپی بلوچ ھم بیگواہ کرتگ۔
بنشون: اھوالکار اکس: اھوالکار
