بلوچستان نا ڈویژن مکران ئٹی اینو بلوچ یکجہتی کمیٹی نا کال آ شٹرڈاؤن و ضلع کیچ ئٹی پہیہ جام ہڑتال مننگ ءِ۔
تربت شار ئٹی اینو سینزدہمیکو دے ہم برانز برجاء مس۔ برانز ئٹی بیگواہ غا بندغا ٹا خاؤت آک اوار مسر، و سول سوسائٹی تون اوار ایلو چاگڑدی و سیاسی تپہ غاک اوار مسر۔
تدوکا دے بلوچ یکجہتی کمیٹی بیان ئس شنگ کرسا پاریسس کہ ریاست برانز نا خواست آتیا پام تننگ اف و سیاسی بندغاک ہرا برانز ئٹ اوار مننگ خواہرہ اوفتے ٹک کننگ ءِ ہرا نا کُل آن بھلا مثیل اینومنظور پشتین آ مروکا جلہو و دزگیری ءِ۔
بیان ئٹی پاننگا کہ ننے خُلیس ءِ کہ بیگواہ غا بندغا تے دروغ ئنا مونگس آتیٹ کھسفنگ نا ریاستی پاکیسی اندن برجاء مرو۔ و اوفک تینا بیان ئٹی تیبہ مکران ئٹ سٹر ڈاؤن و پہہ جام ہڑتال نا کال ہم تسوسر۔
