ریڈیو زْرمبش براہوئی | ریڈیو زْرمبش براہوئی,Mohd-jan-s/o-peer-jan-got-arrested-by-Pakistani-forces-and-he-is-missing-

محمد جان نا زوراکی ئٹ بیگوائی نا حوال آتے اونا خاوت وائس فار بلوچ مسنگ پرسنز ئے تِسُر اوفک پاریر کہ محمد جان ولد پیر جان ئے 19 دسمبر 2023 آ شام ئنا دوازدہ بجہ آ میری تُربَت اُراغان پاکستانی لشکر غیر قانونی وڑ ئٹ دزگیر کننگ آن پد بیگواہ کرے ۔

خاوت پارے کہ محمد جان تینا پیر اِنگا لُمّہ باوہ چُنا تا مون ئنا بندغ اسک اونا زوراکی ئٹ بیگواہ کننگ آن کُل خاوت ذہنی اذیت تون اوار پین سختی تہ گواچیءُ ۔

وائس فار بلوچ مسنگ پرسنز محمد جان نا خاوت ئے یخین تِس کہ تنظیمی رد ئٹ محمد جان نا کیس ئے بیگواہ آ بندغ آتا حوالہ ئٹ اڈ کروک آ کمیشن و حکومت ئے تننگو و اونا آجوئی کن کُل فورمز آتا توار بڑز کننگ مرو ۔