کوئٹہ پریس کلب نا مونا وائس فار بلوچ مسنگ پرسنز نا زورانسری بیگواہی تا بر خلاف بین برانز گدان ءِ 5148 دے پورو مس۔
اواری کن چاگڑدی باسک عابد حسین،اللہ بخش، علی نواز و ایلوفک بسُر۔ ہندا رد ئٹ تنظیم نا وائس چیئرمین ماما قدیر پارے کہ ننا جدوجہد جبر ئٹ بیگواہ انگا بندغ، زوراکی تا گواچی مروکا مظلوم راج آتا سلامتی و بنیاتی بندغی حق آتیکن بھلا پر ایمن جدوجہد ءِ۔
ماما قدیر مونی پارے کہ وی بی ایم پی نا بیگواہ مروکا بندغ آتیکن جدوجہد ریاست نا بنیات آتے سُرفینے۔ اسہ ڈیہہ ئسیٹی ہراڑے بے یخینی نا ماحول ءِ ہچ بلوچ نا جان، مال و عزت رھکوک اف ولے زوراکی تا برخلاف پد مروئی اف بلکہ شعوری جدوجہد کروئی ءِ۔ ریاست دا جُہد ءِ توننگ کن لالچ کروکا بندغ آتے دوئی کرسا پر ایمن جُہد ئنا برخلاف کاریم ہلنگ و کردار کُشی کننگ نا بے سہُب آ کوشست ءِ کننگ ءِ۔
