ہراتما " آہ " سرمرے کاہے ذوالجلالا
دا ہیت پَکے عروج ہموتم برے زوالا
کے چرخ چپّی خنوس سیلہ ءِ وختنا نی
وطن نا عشقے بریک دے ئس تو دا کمالا
ہڑی مریرہ خناس خرماتے بنگنس یا ؟
کبینا وختے خدا نشاں تف برے او لعلا
وَ اونا کاٹم کے موچڑی تہ مروئے دارو
کہ موت نمرودیو دا دورٹ برے دلالا
وطن نا ضامن دا حُسننا ءننا داعشق ہم
دا موڷ جڷّی وطن نا چہرہ برے جمالا
چُناؤ نیاڑی تا مرتبہ ءِ مقامے تِپک
دا شرفُ عزت قرآنا جا گہ دا شیرزالا
سمندراتےخَفو ٹی شا غک او دیک کاہک
قلندریّا دا عشق تینا برے دمالا
دا دِیرو خاخرتہوک وختا اسٹ مریرہ
مزاج درویشیا دا چُپا برے جلالا
غنی دا نَسلیاتخمِ گواڑخ دسین مِش تیٹ
ننا دا چُوریک کیرہ پرّہ بریرہ بالا
