ڈوک ویل دڑد آتا بے اُرا تا غم ارفک
لمہ غا تا بے گُواہ غا اے چُنا تا غم ارفک
شیشہ نا گلاس آتا دیتے کیوہ کش وختس
ڈے ئنا کنے تینا کربلا تا غم ارفک
ٹپ اتو تینا آختہ یار مَش تلار آتیٹ
اے وطن نا ٹپی تا بے دوا تا غم ارفک
دُنکہ پھل ءِ غم ارفے تہو ئسے نا بننگ نا
ھو بہ ھو کنے اندن پِرکا تا غم ارفک
ئاے غم اسُل کنپک نے کنا شپاد آتا
ئاے داسکان ءِ نے بادشاہ تا غم ارفک
راسکو نا دڑد آ تا ایکا غم کننگ ءِ نے
داکا وار وار آ نے چلتنا تا غم ارفک
گُواڑخی آ ہنکین آ تسونو دتر یار آک
آنُل آتے آجو نا گُواڑخا تا غم ارفک
دے مریک دیگر تو خڷ الیک اعجازے
گُم مروکا اودے بس دیدہ غاتا غم ارفک
