نا دتر تے یار خوارہ داسکان
گوڑاخاک سینگار خوارہ داسکان
آجوہی نا سوب ہکن دے غم کرو
بندغ آک دستار خوارہ داسکان
جیب ہٹی نا نا تِخوکا چار سُم
سینہ غان اپیار خوارہ داسکان
داسکان پوسکن ردِنگُن جنگ ہٹی
جوزہ غاک بیدار خوارہ داسکان
گُٹ ءِ تینا بارِفنگ اُس ایلم آ
دوشمن آک یلغار خوارہ داسکان
نن زمین نا ویل ہٹی اُستان درین
آسمانک استار خوارہ داسکان
پین تا ساری تے نی اِل کپّہ گنوک
نا گنوک آک سار خوارہ داسکان
داسکان نا دوشمن آک نے تِپَسہ
کاری او او وار خوارہ داسکان
یار نادان فِکر ہٹی چٹ خامہ اُس
نا خیال آک لار خوارہ داسکان
