بلوچ نسل کشی،دزگیر بلوچ آتے دروغ ئنا مقابلہ تیٹی خلنگ و بندغی حق آتے لتاڑنگ نا برخلاف بلوچ یکجہتی کمیٹی نا نیمہ آن بیگواہ مروکا بلوچ آتا خاؤت آتا لانگ مارچ شال آ سر مس۔
خاؤت آتا نیمہ آن لانگ مارچ ئے جتا جتا انگا ضلع تیٹی توننگ آن پد ہم لانگ مارچ کُل ہڑاند آتیتو مون ترِسا شال آ سر مس۔
حوال آتا رد ئٹ لانگ مارچ ئے شال ئٹی پیہنگ آن توننگ کن سریاب کسر آ پولیس نا نیمہ آن ہڑاند تخِسا لانگ مارچ ئے توننگ نا کوشست مننگ ءِ۔
خاؤت آتا مارچ ئے شال ریڈ زون ئٹی سر مننگ آ توننگ کن ریڈ زون نا کُل نیمہ آتان کنٹینرز تخِسا کسر تے بند کننگانے و پولیس، لشکری کارندہ آتا بھلو کچ ئس ریڈ زون آ بسنے۔
اوفتا پاننگ ءِ کہ داکان مُست مستونگ ئٹی ہم لانگ مارچ ئے توننگ کن کسر تے آ ہڑاند تخنگاسس۔
